النجاح الإخباري - بمرافقة حافظات التراث في عائلة #يا_ستي تكريما لموسم قطف الزيتون في فلسطين قدمت الفنانة دلال أبو آمنة دلعونا الزيتون وهي موال العتابا بقلم الشاعر الفلسطيني الكبير سعود الأسدي

كلمات أغنية الدلعونا من التراث الشعبي بصياغة باحثة التراث الرائعة فتحية خطيب (إم مبارك)
كلمات الاغاني:

يا ميجانا ويا ميجانا..

غرد يا بلبل ع زتون بلادنا

جبل القفزة نادى ع جبل زيتون

وخلوا نار حب الوطن زي تون

نحنا بالأرض أغصان زيتون

مننحني بس لنبوس التراب

الارض النا والبلاد بلادنا

على دلعونا وعلى دلعونا

زيتون بلادي اطيب ما يكونا

زيتون بلادي واللوز الاخضر

والميرامية ولا ننسى الزعتر

واقراص العجة لما تتحمر

ما اطيب طعمتها بزيت الزتونا

خبزة ملتوتة وجبنة طرية

أكلة تدفينا بهالشتوية

وصحون السحلب والهيطلية

خلتنا ننسى بردك كانونا

يا رب تشتي ونلبس طقية

ونلبس كبوت ونحمل شمسية

ونغني سوا يا فلسطينية

دايم في بلادي خبز الطابونا